انتقل للمحتوى

سيستم QR للمطاعم والكافيهات والفنادق

مطعمك كله في QR واحد، من الطلب لحد الحساب.

الزبون بيمسح الكود ويطلب من موبايله من غير ما ينزّل تطبيق، والأوردر بيوصل المطبخ في نفس اللحظة. وإنت بتتابع الصالة والمطبخ والفريق من شاشة واحدة.

  • من غير تطبيق للزبون
  • بالعربي والإنجليزي
  • على التابلت والموبايل واللابتوب
صورة توضيحية: شاشة الصالة في الداشبورد، وجنبها مينيو الزبون على الموبايل، وتنبيه أوردر جديد وصل المطبخ.

معمول لـ

  • مطاعم
  • كافيهات
  • فنادق ومنتجعات
  • بيتش بارز
  • فود كورت

ليه Qrixa؟

الفرق بيبان من أول ترابيزة

نفس الصالة ونفس الفريق، بس من غير ورق ولا انتظار ولا "مين أخد الأوردر ده؟"

من غير Qrixa

  • الزبون قاعد مستني حد ياخد منه الأوردر
  • ورق بيتلخبط بين الصالة والمطبخ
  • صنف خلصان ومحدش يعرف غير بعد ما الزبون يطلبه
  • كل تعديل في السعر معناه مينيو جديد في المطبعة
  • أوردر اتلغى ومحدش عارف ليه

مع Qrixa

  • بيطلب أول ما يقعد، من موبايله
  • الأوردر بيوصل شاشة المطبخ في لحظتها
  • تقفل الصنف بضغطة ويختفي من المينيو فوراً
  • تعدّل السعر والتغيير يوصل لكل الزباين
  • مفيش أوردر يتلغي من غير سبب مكتوب

تجربة الزبون

3 خطوات، ولا حد يستنى حد

الزبون مش محتاج يسجل ولا ينزّل حاجة. كاميرا الموبايل كفاية.

  1. يمسح الكود

    من كاميرا الموبايل، والمينيو يفتح على طول ومعاه رقم الترابيزة.

  2. يطلب

    صور وأسعار وإضافات وملاحظات. والطلب يروح المطبخ من غير وسيط.

  3. ينادي ويطلب الحساب

    ينادي الجرسون أو يطلب الحساب بضغطة، ويتابع أوردره لحد ما يوصله.

لوحة التحكم

كل اللي بيحصل في مطعمك، قدامك

الصالة كلها في شاشة واحدة

كل ترابيزة لونها بيقولك حالتها: فاضية، مشغولة، أو مستنية الحساب. دوس عليها تشوف الأوردرات والحساب.

  • تنبيه فوري لما ترابيزة تنادي الجرسون أو تطلب الحساب
  • تقفل حساب الترابيزة وتطبع الفاتورة
  • كل فروعك في مكان واحد
صورة توضيحية: خريطة الترابيزات بحالاتها، وكارت QR لترابيزة 7.

QR لكل ترابيزة

اطبع أكواد كل الترابيزات في ملف واحد

حدد الترابيزات، وQrixa يعمل لكل واحدة كود برقمها، جاهز للطباعة على استاند أو ستيكر. الكود ثابت، فبتطبعه مرة واحدة بس.

  • من ترابيزة 1 لـ 40 في خطوة واحدة
  • كود ثابت ما بيتغيرش
  • اقفل الطلب على ترابيزة من غير ما تشيل الكود
صورة توضيحية: خريطة الترابيزات بحالاتها، وكارت QR لترابيزة 7.

التفاصيل اللي بتفرق

معمول من جوه المطبخ، مش من ورا مكتب

  • نداء الجرسون

    الزبون يدوس زرار، والتنبيه يوصل الصالة باسم الترابيزة.

  • "خلصان" بضغطة

    الصنف يختفي عند الزبون فوراً، ويرجع وقت ما تحب.

  • صلاحيات لكل دور

    الجرسون والكاشير والمطبخ والمدير، كل واحد بيشوف شغله بس.

  • شاشة لكل محطة

    الجريل يشوف الجريل بس، والبار يشوف المشروبات.

  • الإلغاء بسبب

    محدش يلغي أوردر من غير ما يكتب ليه.

  • الزبون بيتابع أوردره

    اتبعت للمطبخ، بيتحضّر، في الطريق. إيد أقل مرفوعة في الصالة.

الباقات

على قد مطعمك، ويكبر معاك

قارن الباقات بالتفصيل

أساسي

باقة

لكافيه أو مطعم صغير بيبدأ يشتغل بالـ QR.

750ج.م / شهرياً

احترافي

الأكثر اختياراً

للمطاعم اللي عايزة السيستم كامل من الصالة للمطبخ.

1,500ج.م / شهرياً

سلاسل وفنادق

باقة

لأكتر من فرع أو منفذ تحت إدارة واحدة.

حسب الاحتياج

جاهز تشغّل مطعمك على Qrixa؟

احجز ديمو، وهنوريك السيستم شغال بالمينيو بتاعك إنت.